目前日期文章:200705 (5)

瀏覽方式: 標題列表 簡短摘要

終於都到今日...有得睇相啦! 好緊張呢!

去到後, 佢地安排我地一間房, 佢地將我輯相做成一個 slide show 用投射放映. 我地就坐係 sofa 度慢慢欣賞. 大部分都係 close up, 見到放到甘大既自己好唔慣! 不過真係影得幾靚呀! 好有 poster feel!! 張張都唔錯, 好難揀呀! 原本我稔住揀一張做我 package 所送既座檯相... 最後都係失守... 張張都好嘛... (又或者話無一張係好突出??)

pinkyface 發表在 痞客邦 PIXNET 留言(0) 人氣()

唔知大家有無聽過間 studio 叫 Venture 呢? 早排見到佢地做 promote, 之後我上佢地個網睇過 (www.thisisventure.com.hk), 幾鍾意佢地個 style, 我都好想影輯相! 一來可能搬左屋, 如果有張靚相佈置下間屋都唔錯! 二來我甘大個女都未影過呢D相, 係時候影輯留個紀念嘛! 

去影之前都要 prepare 下架! 佢地想影D可以代表你既相, 佢地問我平是有咩興趣, 有無玩咩 sport 甘, 佢地會建議你帶D相關既物品去影. 我稔左好耐都稔唔到我可以帶咩去. 如果我早D買狗仔就可以帶隻狗仔去影, 但宜家趕唔切啦! 佢地又叫我留意下鍾意咩攝影 style. 之後再同佢地傾, 問到我平時鍾意做乜, 我話 shopping, 佢就問鍾意買乜, 我就突然稔到香水, 雖然呢幾年已經無再點買 (因為真係好多, 都用唔晒!), 但都有廿幾支, 帶去影相都應該幾好 feel 喎! 仲有我鍾意睇既深雪小說, 佢D封面好靚架! 係我鍾意既 style.

pinkyface 發表在 痞客邦 PIXNET 留言(0) 人氣()

我稔左成個星期, 考慮究竟要 schnauzer 定 poodle, 真係稔到我頭都大埋! 我最後都係決定買 poodle 啦! 始終 poodle 會輕身D, 容易D帶佢出街嘛! 亦都想養下 schnauzer 以外既狗狗. 

琴日約左個專門繁殖 poodle 既 breeder 睇狗仔, 我係網上搵到佢, 好似都幾專業, 不過就貴過我地之前睇果度好多, 我地後來都係決定返之前果度再睇多次. 

pinkyface 發表在 痞客邦 PIXNET 留言(0) 人氣()

我 cousin 約我同佢幾個同事 book 左個 baking class. 雖然我對今堂學整既黑森林蛋糕無乜興趣, 但係成班女仔好似幾好玩, 所以就 join 啦! 

不過有D唔滿意係佢地所有野都量好晒, 我地只係 mix 埋就得, 甘樣唔夠過癮囉! 都唔算係自己整! 

pinkyface 發表在 痞客邦 PIXNET 留言(0) 人氣()

我要為屋企增添新成員啦! 唔好稔錯隔離, 我意思係想養隻狗仔者! 

其實早於一年前已經考慮養隻狗仔, 但知道可能會搬屋, 所以稔住搬定左先養. 亦都稔左係會養 schnauzer or toy poodle. 上個月終於都搬左啦, 呢度係比養狗添, 所以都係時候啦! 襯可以名正言順養, 好好教好佢, 到第時再搬都唔驚會亂嘈嘛!

pinkyface 發表在 痞客邦 PIXNET 留言(0) 人氣()