早在兩星期前已經想去睇鞋, 想買對漆皮鞋for返工... 夏天成鬼日落雨, 好唔捨得D皮鞋被雨淋濕, 有D有布面添既更加唔洗稔啦! 都係漆皮好D! 之前又睇岩一對 platform 幾想買, 宜家 on sale 想去試多次. 點知近排好似成日都唔得閒, 有時又落大雨又打風甘, 想左兩個禮拜都仲未睇. 真係忍唔住啦! 今日決定要去行街街, 落雨都唔理啦!
 
我去左朗豪坊睇, 果度既鞋鋪算幾齊, 點知行完第一間已經... 癡左線...!!! 我... 我... 買左... 4對鞋!!!!!!!!!! 可能我真係忍得太耐啦...... 又 on sale 嘛... (真係零捨多藉口!) 我仲係第一次幫親呢間鞋鋪呢... 各位姊妹如果你地係 Venilla Suite 睇仲野, 搵我同你去買啦, 因為我已經成為佢地既 VIP 啦! (佢地話唔
可以齋講 Tel.No.窩)
 
跟住個fd黎會合我食飯, 食完飯我地去拎番袋戰利品 (4對鞋都唔係輕架, D鞋盒又"呀頂", 梗係等我行完街先拎啦!). 我個fd話果度D鞋好多都好我style, 唔怪得我買到4對鞋啦, 其實... 我稔都唔關事既.... 我真係好鍾意買鞋啦! 又再一次證明我係 Shopaholic 囉!
 
之前話想再睇果對 platform, 無睇 lu... 但係我都仲有D念念不忘呀! 希望唔好咁快斷碼啦... 或者等多排再去睇下... hehehehehe
 
 
佢地個袋好靚哩, 有條金色絲帶綁蝴蝶結, 仲有個鞋盒都係金色架! 靚靚靚靚!
 
 
呢對係銀色既, 係秋季新款!
 
 
呢對我覺得好似Barbie鞋! ^_^
 
呢對個鞋'爭'位幾特別架!
 
 
我仲買埋黑色....... Hohoho
 
最後黎個大合照!
 
 
 
arrow
arrow
    全站熱搜

    pinkyface 發表在 痞客邦 留言(0) 人氣()