雖然心情尚在平服中, 但係比我所預期既快... 今年既八月好似比往年更加忙窩! 真係有D估唔到! 或者係我深居簡出得太耐啦! (點解叫魅力之星? 咪就係因為多人約囉... hehehe)
 
今年食左好多餐生日飯呀! 有平時見開既朋友, 有好耐無見既朋友, 仲有D新識既朋友. 好開心有甘多人同我慶祝! 除左我自己之外, 我仲有好多fd都係呢段時間生日 (真係物以類聚!) 所以近排真係出多左好多街呀! 時間好似唔夠用甘, 不過亦因此無甘多時間亂稔野, 的確係好事黎! 但係對於我隻豬肉鬆就唔係甘好啦... 成日掛住去街唔陪佢, 佢間唔中就會發下脾氣, 等你忙一餐!
 
講開我隻仔, 佢終於可以名正言順咁出街街啦! 就係我生日個日, 佢滿五個月大可以去打瘋狗針, 打埋呢支佢就打齊晒針可以申請狗牌, 可以去街街 lu! 每次去到 Vet 度都會同佢磅下重既, 果日同佢磅... 哇! 佢重左好多啦! 成 4kg 啦! 我睇書話 toy poodle 大約係 2-4kg, 希望佢唔好再大啦! 我原本就係想養隻輕身D既, 可以方便抱佢出街嘛! 好驚佢變左 mini poodle 呀!
 
呢個夏天無去過船河, 唔知點解無乜 mood 去甘, 反而呢個八月去左兩次海灘, 其中一次仲因為天氣唔穩定由原定既石澳改去我屋企樓下既東灣, 佢地稔住萬一真係落雨都可以去 club house 度游水. 我都係第一次去游水 (其實我都無落過水... haha), 之前係夜晚去行過下個海灘 (懶羅曼...^o^). 另一次就係去大浪灣, 哇又真係好似傳聞咁有幾多靚仔喎 (身形唔錯既陽光型男士)! 好彩兩次既"防晒"行動 (我D fd 就係去晒太陽, 而我就係去防晒囉!) 都無晒黑到 (係黑左DD者, 宜家睇番都唔係好覺), 幸保不失! Hahahaha. 其實我去海灘都幾搞笑, 我又唔鍾意晒黑又唔鍾意游海灘 (我覺得游海灘無乜安全感, 係水裡面乜都睇唔到... 我鍾意游泳池多D), 不過係同一班 fd 一齊出下黎咁囉! 但我呢次真係有落水架... 係浮水唔係游水... Kekeke!
 
另外呢個月睇左幾齣戲, 第一齣係 Transformers, 之前聽聞係唔錯, 估唔到真係好好睇! 比想像中更加好!! 我無變形金鋼情意結都覺得好好睇呀! 有人話笑足全場, 我都唔係咁信, 但又真係幾搞笑喎! 跟住睇左"不能說的秘密", 係會睇到喊既故事, 雖然係叫 happy ending 但係睇完果個傷感既感覺都仲係度... 離開戲院都仲好 depressed... 不過都係好睇既! 另外果齣就係 Invasion, 有D驚嚇同緊張, 我一向睇戲都好投入既, 我就睇到用手遮晒眼咁, 隔離果個就好似無咩反應, 佢係覺得睇我D表情仲好睇啦... @_@
 
呀! 係呀係呀! 我既其中一餐生日飯去左間我fd有份開既日式串燒度食, 唔錯架! 等我賣下廣告先!!! 間野個名係 [爐端燒], 地址係尖沙咀山林道 8號. 你地得閒就去幫親下啦! Yum yum yum!
 
 
 
創作者介紹

溫室裡的城堡 ๑۩۞۩๑ Chateau de Pinkyface ๑۩۞۩๑

pinkyface 發表在 痞客邦 PIXNET 留言(0) 人氣()