新年又到啦! 我都會買新衫新褲去拜年, 應下節. 上年買左件棉衲款, 粉紅色, 好cute好有拜年氣氛架! 今年都稔緊好唔好重著, 呢D衫平時都無機會著, 無理由只著一次架! 點知聽到D八卦野話今年正月唔好著紅色系既野, 最好著金色或黃色. 哇! 我咪有藉口買新衫囉! Hehehehe 

金色都好呀, 橫掂黎緊都興metallic! 又真係買到岩心水既金色衫窩! 年初一就著金色啦! 之前又睇中件銀灰色one-piece, 心郁郁最後決定買埋佢年初二著! 實行做"金銀潤"! 夠晒意頭呀!!! 

呢個新年難得佢都有三日假放, 我地好努力甘plan為求去晒各親友屋企拜年. 個schedule真係好full呀! 年初一我仲去足四度地方, 真係好忙呀! 年初二好D, 夜晚可以二人世界白拍下拖, 睇下戲. 果晚出左尖沙咀食飯, 唔醒起放煙花封路, 食完飯行經彌敦道岩岩撞正人地睇完煙花, D人潮湧出黎......好似百萬行呀!
我地睇左Night at the Museum, 門徒都想睇架, 不過年初一, 都係睇D搞笑既好D! 都好好笑呀, 無令我地失望! 

至於年初三, 拜完年就join埋D friend一行八人去左天馬艦嘉年華玩. 好玩呀! 除左G-Force外, 都玩左唔少機動遊戲, 不過有人唔敢玩窩! 好渣呀! 我公司初五先開市, 有多日假, 我地仲去睇埋子夜場先返歸! 呢次就睇門徒, 都好好睇窩! 呢個新年去街去足甘多日, 又有多日假可以抖下, 正! 真係好滿足呀! (今年市道真係好左好多甘窩, 連D利是都好滿足呀!) 

"金潤"look:
 
 
"銀潤"look: 
arrow
arrow
    全站熱搜

    pinkyface 發表在 痞客邦 留言(0) 人氣()