都唔知我命格係咪驛馬星重, 由我小學二三年班開始, 差不多每兩年就會搬次屋. 所以我都慣左, 唔怕搬屋煩! 因為慣左每過一段時間就換下環境, 我稔就算第時唔再搬得甘頻密, 我都會裝下修又或者換下傢俬, 無甘悶嘛! 

唔經唔覺又係住夠兩年之時啦! 無錯! 我又搬屋啦! 不過今次搬去較遠既地方, 仲比人笑我搬左去荒島添!! 其實都唔係甘嚴重者! 交通係就係煩D, 但係環境空氣係好好多, 我稔我會慣既! 何況間屋又夠新, 又有club house, 試下呢類型既屋苑都唔錯呀! 而且我終於都可以好放心甘去游水啦! 熟我既人都知我好怕D更衣室地上面既毛髮, 宜家樓下有泳池, 有咩依郁我都可以返自己屋企沖身, 唔洗怕啦! 另外呢度既管理都幾好, D人都好有禮貌, 就算唔係我棟大廈既管理員都會同我打招呼, 個感覺有D似返左NZ! 

搬左之後, 我稔我既生活習慣都要配合一下, 我個fd話齌, 早出早歸! 好彩近來都無點去夜街 (好似好乖甘窩...), 應該都無問題既! 等我執好間屋, 你地各位就黎"荒島"探下我, 黎過個悠閒既weekend! ^_^
創作者介紹

溫室裡的城堡 ๑۩۞۩๑ Chateau de Pinkyface ๑۩۞۩๑

pinkyface 發表在 痞客邦 PIXNET 留言(0) 人氣()