我要為屋企增添新成員啦! 唔好稔錯隔離, 我意思係想養隻狗仔者! 

其實早於一年前已經考慮養隻狗仔, 但知道可能會搬屋, 所以稔住搬定左先養. 亦都稔左係會養 schnauzer or toy poodle. 上個月終於都搬左啦, 呢度係比養狗添, 所以都係時候啦! 襯可以名正言順養, 好好教好佢, 到第時再搬都唔驚會亂嘈嘛!

稔左一排, 決定養 toy poodle! 雖然我有 schnauzer 情意結, 但係都想養下第二種狗狗. 而且我怕以前香港養果隻太深刻, 其他都唔夠佢靚同 cute, 好似 nz 養緊果隻 Paco 甘, 都唔係我心目中既 schnauzer 黎既! Paco 係癲架! 係超超超級過度活躍症!!! 

因為出面太多黑店, 又怕唔識會被人呃, 我就叫人幫我留意下相熟既 petshop有無 toy poodle. 點都有信心D啦! 至於咩色我都稔過下架, 我首算緊係奶茶色, 似 bear bear 夠 cute 嘛! 但我 Daddy 就覺得黑色過癮, 因為一舊黑 mung mung 睇唔到佢個樣, 好攪笑喎!

不過後來都係決定要奶茶色, 因為我連名都稔好架啦! 登登登登... 豬肉鬆! 哈哈係咪好貼切呢? 事源有次食晏點左個皮蛋豆腐, 我一見到D豬肉鬆就覺得好似啡色既 poodle, 果時就稔, 如果我真係養啡色既 poodle 就叫豬肉鬆! 跟住玩NDS個任天狗, 覺得豬肉鬆呢個名都幾得意, 我就改左隻任天狗叫豬肉鬆! 玩下玩下真係有感情, 好想要真既豬肉鬆呀! 

今日我姑姐就話有隻toy poodle可以睇下, Daddy就約埋我去睇. 果間 petshop係我姑姐相熟架, 佢同佢D街坊既狗狗都係呢間買, 有信心好多! 去到個感覺都好好呀, 好 tidy 又無味, 隻 poodle 都幾 cute, 但係仲好細個, 得兩個月, 未戒晒奶架! 佢就好驚, 我都唔敢抱佢! 不過果度就得一隻, 無得揀. 

得一隻都唔知好唔好, 有得揀又煩無得揀又煩! 當然, 我地先岩岩開始睇, 唔會甘快決定, 點都出去周圍睇下, 格下價, 睇下其他既 quality先. 點知當我都仲十五十六之際, 我姑姐同我講話呢間 petshop 係 schnauzer 專門店, 佢地自己有配種. 我見到D相, D schnauzer 都好靚仔靚女架! 甘岩有胎準備生添! 呢胎仲會有黑白色, 係純黑+白色, 好分明好靚呀! 比我知道真係唔得了! 即刻又三心兩意, 都話我有schnauzer 情意結架啦! 重要見到佢地D schnauzer 種甘靚!!! 跟住我成晚都仲稔緊究竟 schnauzer 好定 poodle 好呢? 好頭痛呀!!!

P.S.其實當我稔到豬肉鬆呢個名時, 我都稔埋如果買黑色既話叫咩名架! 不過到我真係買黑色 poodle 又或者係黑白色 schnauzer 既話先再話比大家知啦! 又或者遲下兩個名都用到?!
arrow
arrow
    全站熱搜

    pinkyface 發表在 痞客邦 留言(0) 人氣()