唔知大家有無聽過間 studio 叫 Venture 呢? 早排見到佢地做 promote, 之後我上佢地個網睇過 (www.thisisventure.com.hk), 幾鍾意佢地個 style, 我都好想影輯相! 一來可能搬左屋, 如果有張靚相佈置下間屋都唔錯! 二來我甘大個女都未影過呢D相, 係時候影輯留個紀念嘛! 

去影之前都要 prepare 下架! 佢地想影D可以代表你既相, 佢地問我平是有咩興趣, 有無玩咩 sport 甘, 佢地會建議你帶D相關既物品去影. 我稔左好耐都稔唔到我可以帶咩去. 如果我早D買狗仔就可以帶隻狗仔去影, 但宜家趕唔切啦! 佢地又叫我留意下鍾意咩攝影 style. 之後再同佢地傾, 問到我平時鍾意做乜, 我話 shopping, 佢就問鍾意買乜, 我就突然稔到香水, 雖然呢幾年已經無再點買 (因為真係好多, 都用唔晒!), 但都有廿幾支, 帶去影相都應該幾好 feel 喎! 仲有我鍾意睇既深雪小說, 佢D封面好靚架! 係我鍾意既 style.

我 book 左今日影相, pack 呢D野時先發覺好鬼重呀! 玻璃樽同書!!! 我又醒唔起屋企有果D有轆既 hand carry 袋... 真係蠢! 拎住一袋二袋重到死甘過海... 今日仲要超熱添! 為左靚無計啦!

第一次影呢D相好緊張呀! 有D唔自然, 好彩個攝影機都好 nice, 又係女仔無甘尷尬 (有人都可以好放心啦!)! 影左好多好似香水廣告既相, 應該幾特別既! 好期待睇呀! 星期三有得睇啦! 佢地晒出黎都幾貴架, 因為唔係普通相, 係D finish 好靚既製成品. 我個 package 就包個座檯相框, 我稔我要左個座檯相框先, 遲下儲到錢先訂其他產品.
arrow
arrow
    全站熱搜

    pinkyface 發表在 痞客邦 留言(0) 人氣()

    E-mail轉寄