早幾日同朋友仔飲野, 我地四個人, 有兩個唔開心(另一個無話唔開心, 希望係無啦!), 有個仲喊添, 我果刻無見到, 但知道後好唔舒服, 其中原因係我無係佢身邊安慰佢. 知道佢地甘, 我真係好心痛! 我都唔知可以點安慰佢地, 我一向都唔係好叻去開解人, 我唔知點先幫到佢地, 唯有聽下佢地講, 希望佢地講多D會舒服D. 

當我聽到佢竟然會稔過做傻事, 我真係嚇一跳, 估唔到去到甘既地步, 好擔心!!! 我知道有時係好hurt, 好痛, 但千其唔好稔埋一邊放棄自己. 我知局外人未必領略到你真正既感受, 但係我, 仲有其他好多既人都發生過相同事件, 我自己都要好長時間黎復原, 其間更會有人係你傷口上洒鹽, D人好自私乜都做得出, 雖然未至於失眠(我實在太訓得啦!^(oo)^ ) 但日日以淚洗面, 個心好痛好痛, 最後我都過到, 其他人都過到, 我相信你都得! 最緊要唔好放棄自己, 呢D係我地人生既磨練, 咪當比我地學習點做好自己既機會囉, 只要識面對識放低, 將來先會做得更好得到更好! 唔好太執著一個人一件事, 甘樣只會苦左自己. 

有好多野真係急唔黎, 你越急就越易做錯決定. 其實最重要係要錫自己, 身為朋友既我一定會支持你地, 但係做咩都好, 唔好傷害自己就得啦! 

果晚除左我自己既朋友, 仲有其他人唔開心, 雖然同佢唔係好熟, 但都希望佢快D開心番啦! 人同人之間真係好複雜, 友情都會受好多考驗, 如果真係甘容易受他人唆擺, 或者係佢本身對朋友既態度同你唔同, 有時既野道不同不相為謀. 自己對得住天地良心就得啦, 其他野平常心啦! 

近排真係好多負能量, 希望大家快D可以調節番, 釋放番D正能量啦! 做人最緊要開心嘛! 而且"情緒是你自己的, 除了你, 無人更有責任照顧你的情緒" (quote from 深雪)
arrow
arrow
    全站熱搜

    pinkyface 發表在 痞客邦 留言(0) 人氣()