close
大日子! 大日子! 我今日接左豬肉鬆返黎啦!
去到 pet shop 時其實有D不知所措架, 唔知點做甘, 又唔知要買D咩! 好彩個老闆娘執齊D日常用品比我, 比我想像中少野呢!
我已預先買左個出街袋黎載豬肉鬆, 不過有D細呀! 應該話宜家用就岩岩好, 佢再大D就唔岩啦, 所以要拎番去換. 好彩我姑姐屋企有多, 佢比左個我, 甘我可以等佢遲D大定先再物色過個靚既!
開頭佢都好乖無周圍郁. 但唔知係咪個的士司機片彎片得太勁, 豬肉鬆坐到暈車浪, 仲嘔忝! 真係好可憐呀! 我地又係大意既唔記得叫個司機駕定D.
幾經辛苦我地終於返到屋企(你知我宜家住得遠架啦!), 幫佢抹乾淨個籠, 整理好佢個竇, 佢終於可以開餐啦! 唔知係咪比平時遲左食, 佢好擒青呀! 唔知真係以為佢餓左幾日! 佢食果時都好搞笑, 會圍住個兜 tum tum 轉!
因為佢仲好細, 又未打晒針, 所以大部分時間都要留係籠入面, 我姑姐話最好困住佢一個月, 等佢習慣係籠中去廁所, 甘第時就好易教佢返入籠去廁所架啦! 希望佢醒D啦!
全站熱搜
留言列表
